काठमाडौँ । राजनीतिकर्मी तथा साहित्यकार मिलनकान्छा किरातीको निवन्ध सङ्ग्रह फिक्कलको उकालो पाठकसामु बजारमा आउने भएको छ । एकसय सत्तरी पृष्ठको उक्त सङ्ग्रह इन्डिगो इन्क प्रकाशन गृह, काठमाडौँले प्रकाशन र वितरण गर्न लागेको हो । पुस्तक प्रकाशनको कार्य अन्तिम चरणमा रहेको र प्रकाशनपछि नेपालभर अधिकाङ्श पुस्तक पसलहरुमा पाइने भएको छ ।
खोटाङको हलेसी तुवाचुङ् नगरपालिका डिकुवा– दाम्ली, पिपलटार टोलमा जन्मेका किराती साहित्य क्षेत्रमा लामो समयदेखि साधनारत छन् । किरातीका यसअघि कविता सङ्ग्रह शान्तिको खोजी २०६१, आँसुको बर्ष कथा सङ्ग्रह २०६६, संयुक्त कविता सङ्ग्रह २०६७ र फूलको विज्ञप्ति कविता सङ्ग्रह ०७६ प्रकाशित छन् ।
वाल साहित्यमा समेत कलम चलाईसकेका किरातीले राष्ट्रिय छापा र डिजिटल पत्रपत्रिकाहरुमा राजनीतिक, समसामयिक विषय र साहित्य विधामा निरन्तर कलम चलाउँदै आईरहेका छन् । हाल उनी दक्षिण कोरिया सिऔलमा कार्यरत छन् ।
