ऐजेन्सी । गुगलले सन् २०२० मा सर्वाधिक खोजिएका व्यक्तिहरुको नाम सार्वजनिक गरेको छ । यो बर्ष सर्वाधिक खोजिने बलिउडकर्मीमा गायिका कनिका कपुर छिन् ।
कोरोनाबाट संक्रमित भएको खबरसँग उनको बिषयमा धेरै खोजिएको थियो । यस्तै, कोरोना संक्रमित भएपछि पनि लुकाएको, लण्डन पुगेर पार्टी गरेको लगायतका खबरहरु फैलिएपछि भारतीयहरुले उनलाई सर्वाधिक खोजेका थिए । सर्वाधिक खोजिने बलिउडकर्मीमा नायक अमिताभ बच्चन कनिका भन्दा पछाडि छन् । नायिका रिया चक्रवर्ती, कलाकार अंकिता लोखन्डे र नायिका कंगना रनावत टप १० सूचीमा अटाएका छन् ।
यो बर्षभर नै विवादमा रहेपनि नायिका कंगना रनावतको नाम भने दशौं नम्बरमा छ । कोरोना संक्रमित भएपछि अमिताभलाई सर्वाधिक खोजिएको थियो भने सुशान्त सिंह राजपुतको निधनपछि रिया चक्रवर्ती पनि दर्शकको खोजीको सूचीमा परेकी थिइन् । साथै भारतमा सर्वाधिक खोजिएका व्यक्तिहरुको सूचीमा जो वाइडेनको नाम पहिलो स्थानमा छ ।
