प्रकाश दिप्साली राई
नडाहा, कवि तथा स्टोन आर्टिष्ट दीपा मग्रातीको पहिलो गीत “आकाश जूनको साथी …..” आज प्रविन अफिसियलको युट्युब च्यानलमार्फत सार्वजनिक भएको छ ।
भोजपुरको हतुवागढी, हसनपुरमा जन्मेकी दीपा मग्राती लामो समयदेखी कलमकर्ममा समर्पित छन् । विषेश गरी कवितामा रमाउने दीपाको यो पहिलो गीत हो । “आकाश जुनको साथी” एल्बममा रहेको दीपाको यो शब्दमा गायक प्रेम गुरुङ र गायीका हिरा थापाले सुमधुर स्वर दिएका छन् भने कर्णप्रीय सङ्गीत प्रविन अफिसियलले भरेका छन् । लोकलयमा रहेको यो गीतमा एरेन्जको काम सङ्गीतकार मनोज साङ्सोन राईले गरेका छन् । यो गीतको रेकर्ड भने किङ स्टुडियोमा गरिएको छ ।
गीतकारको रुपमा पहिलो पल्ट आफुलाई प्रस्तुत गरेकी दीपा “हतुवागढी शब्दघर”को साप्ताहिक प्रस्तुति “अक्षरालय”को प्रस्तोता हुन् । भने स्वर्णिम साहित्य समाज बराहक्षेत्र –३ को सदस्य समेत हुन् । हाल उनी दैनिक रुपमा स्टोन आर्ट गर्दै चर्चामा छिन् ।
गीत र्सार्वजनिक भएपछि हामीसङ्गको कुराकानीमा आफ्नो पहिलो प्रयास रहेकोले माया गरिदिन हुन सबैलाई अनुरोध गरिन् । “गीत लेखनको हिसाबमा नयाँ पाइला भएकोले कमिकमजोरीहरु औलाउदै सरसल्लाह दिएर आगामी दिनको साङ्गगीतिक यात्रालाई सहज बनाइदिन हुन अनुरोध गर्दछु ।” उनले थपिन् । नयाअनलाइन
