इराकमा बम विस्फोट, कम्तीमा २६ व्यक्तिको मृत्यु, ९० जना घाइते

 

इराकको राजधानी बगदादमा सोमबार भएको दुई वटा आत्मघाती बम विस्फोटमा परी कम्तीमा २६ व्यक्तिको मृत्यु भएको स्वास्थ्य अधिकारीले जानकारी दिएका छन्। इराकमा तीन दिनभित्र भएको यो अर्को भीषण आक्रमण हो।

पूर्वी बग्दादको चिकित्सा विभागका प्रमुख डा।अब्दुल घानी अल साआदीले यस आक्रमणहरुमा परी २६ को मृत्यु हुनुको साथै अन्य ९० जना घाइते भएका पुष्टि गरेका छन्। मध्य बग्दादको ताएयारान स्वाएरमा आत्मघाती आक्रमणकारीहरुले सोमबार विहान सबेरै विस्फोटहरु गराएका थिए ।

सिन्ह्वा समाचार समितिका अनुसार भने मध्य बग्दादको ताएयारन स्वाएरमा निर्माण सम्बन्धि कामदारहरू जम्मा भएका इलाका लक्षित विस्फोट भएको थियो। यस समाचारको विस्तृत विवरण भने प्राप्त नभएको र विस्फोट भीषण भएको हुनाले मृतक र घाइतेको सङ्ख्या बढ्ने पनि प्रहरीको अनुमान रहेको छ।

0
Shares

Comments

comments