सोमबारमात्रै विभिन्न पाँच स्थानमा पाँच जना मृत फेला

काठमाडौं,। पश्चिम रुकुमको घटनाले देशकै ध्यान केन्द्रित गरिरहेको बेला देशभरिका बिभिन्न पाँच छुट्टाछुट्टै स्थानमा पाँच जना मृत फेला परेकाे प्रहरीले जनाएको छ ।

डोल्पा ,रुपन्देही , जाजरकोट ,खोटाङ रामेछापमा मृत अवस्थामा पाँच जना फेला परेका हुन ।

डोल्पा, जगदुल्ला गाउँपालिका-४ चौरीकोटास्थित कच्चेघट्टेखोला लघु जलविद्युत आयोजनामा कार्यरत सोही गाउँपालिका-५ माझगाउँ बस्ने ३१ वर्षीय केश बहादुर शाही उक्त पावर हाउस नजिकै सोमबार साँझ मृत अवस्थामा पेला परेका छन् । विद्युतको लाईन खराब भएपछि घरबाट पावर हाउसतर्फ गएका उनी मृत अवस्थामा फेला परेका हुन् ।

रुपन्देही, सैनामैना नगरपालिका-१० फच्कापुरस्थित प्रतिक्षालयमा बुटवल उपमहानगरपालिका-१३ बस्ने ३५ वर्षीय प्रकाश गुरुङ सोमबार दिउँसो मृत अवस्थामा फेला परेका छन् ।

जाजरकोट, भेरी नगरपालिका-१२ खोदाखोलास्थित भेरी नदीको बिच बगरमा सोही ठाउँ बस्ने १९ वर्षीय गणेश बुढाको शव सोमबार साँझ फेला परेको छ ।

खोटाङ, दिक्तेल रुपाकोट मझुवागाढी नगरपालिका-७ मेवा खोला छेउमा हाल नाम, थर वतन नखुलेकी महिला सोमबार साँझ मृत अवस्थामा फेला परेकी छन् ।

रामेछाप, सुनापती गाउँपालिका-४ च्याँडीस्थित सुनकोसी नदीको किनारमा काभ्रे भुम्लु गाउँपालिका-१ बस्ने २७ वर्षीय अशोक गिरीको शव सोमबार दिउँसो फेला परेको छ ।