everest kitchen 
काठमाडौं । शुक्रबार बिहान सिन्धुपाल्चोकको जुगल-२ मा गएको पहिरोमा परी मृत्यु हुनेको संख्या ११ पुगेको छ।
उक्त पहिरोमा परि ३८ जना पुरिएका थिए। त्यसमध्ये ११ जनाको शव फेला परेको र पाँच जनाको सकुशल उद्धार गरिएको जिल्ला प्रहरी कार्यालयका डिएसपी माधव काफ्लेले जानकारी दिए।
उनका अनुसार ११ जनाको शव फेला परेको छ भने अन्य पहिरोमा हराइरहेकाको खोजी गर्ने कार्य भइरहेको छ।’ मृत्यु हुनेको सनाखत भइसकेको छैन।
उद्धार गरिएको पाँच जनामध्ये एकजनालाई हेलिकप्टरबाट उद्धार गरि काठमाडौं स्थित सिभिल अस्पतालमा भर्ना गरिएको छ भने चार जनाको जिल्लाको चौतारामा उपचार भईरहेको बताएको छ ।
पहिरोमा पुरिएकाको सेना, प्रहरी तथा स्थानीयले खोजी कार्य जारी राखेका छन् ।
