एक गजल : कल्पना गैरे

कल्पना गैरे

राजा रामकाे त्यो राज्यमा कत्ति छल भएन
हरामहरूकाे राज्य कहिल्यै निश्चल भएन
निकास नपाएर फाेहाेरबाट दुर्गन्ध आयाे
जहाँ नेर फाेहाेर थियाे त्यहीँ नेर ढल भएन

कृषिकाे अनुदानले मल व्यापारी माैलायाे
कृषककाे अावाज पु-याउने दलबल भएन
न्यायलयमा सविनय निवेदन चढाएकी थिएँ
मेराे निवेदन उपर त्यँहा कुनै छलफल भएन

जन, धन नाेक्सानकाे हिसाब किताब रहेन
नीति फेरियाे तर नियतमा फेर बदल भएन
जस्ले जे जे बुझ्याे उही उत्तम ठानेर ग-यो
ढुङ्गालाई दूध चढायाे तिर्खाउँदा जल भएन

यसपालि त खेतमा धान पनि पसाउन सकेन
सत्तासिनहरूबाट मलका लागि पहल भएन
वर्तमानले यसरी अलमल बनाएकाे बेला
आउने भविष्यकाे त कुनै अडकल भएन

कल्पना गैरे
शुक्लागण्डकी