गुल्मी जिल्ला घर भई हाल सेरीकुलेक सेक्यूरिटि कम्पनी साहआलम, मलेसियामा सेक्यूरिटि काम गर्दै आएका युवराज थापाले साथीरुसँग बिभिन्न बहाना बनाएर झन्डै २३ हजार रिंगेट भन्दाबढी सापटि लिएर बेपत्ता भएका छन् ।
आफूसँगै काम गर्ने र बस्ने साथीहरुबाट पैसा सापट लिएका थापाले सामान किन्न बाहिर जान्छु भनेर हिडेको तर, त्यसपछि नफर्किएको एक पीडितले बताए ।
उनले आफै काम गर्ने कम्पनीबाट ३०००, सुशिल तामाङबाट ४५००, कुलबहादुरबाट २०००, दीपराज धिमालबाट ३०००, गंगा मगरबाट २०००, रामचन्द्र पाठकबाट २०००, मलेसियन स्थानिय नागरिककै ३००, पाकिस्तानि नागरिक सिंबाट ४५०० र लिम्बु र पोखरेल थरका एक एक जनाबाट ३५०० गरि झन्डै २३००० रिंगेट भन्दा बढी रकम लिएका थिए ।
उनि कम्पनीमा नफर्किएपछि उनले पीडित बनाएकाहरु भने प्रहरी कारवाहि गर्ने योजनामा छन् । एक पीडितका अनुसार उक्त व्यक्तिले अन्य ठाउँमा गएर त्यस्तै किसिमको बदमासि नगरोस भनेर अरुलाई पनि जानकारी गराएको बताएका छन् ।
