everest kitchen 
टुकादेवी आचार्य
मुक्तक १
सधैं सधैं गोंधुलीमा उनकै मेसेज् आउँछ।
किन ,किन आफ्नो भन्दा उनकै माया लाउँछ।
हरेक पल सम्झनाले सताइरहन्छ किन?
दायाँ फर्कुँ ,बायाँ फर्कुँ उनकै तस्वीर छाउँछ ।
मुक्तक २
हाटबजारमा भेट हुँदा आँखा सन्काइन् उनले
भित्र भित्रै कलेजीमा आगो दन्काइन् उनले
हासै मीठो बोली मीठो के बयान गरुँ उनको
मलाई पनि सुटुक्क त्यै मनमा थन्काइन् उनले।
मुक्तक ३
एकैछिन जूनमा पोखिएर हेरी
गुम्नाम् यात्रामा थिएँ रोकिएर हेरी
सायद यात्रा त फरक थियो हाम्रो
जानी जानी कुममा ठोकिएर हेरी।
मुक्तक ४
तिम्रो अधरमा ,लुकाएर हेरें
अलिकति नजर, झुकाएर हेरें
हराएँ तिमीमै ,बिलाएँ तिमीमै
तरेलीमा बिस्कुन,सुकाएर हेरें।
