everest kitchen 
सीता शर्मा
१
न त्यो आकाशको जुन तारालाई सोध्न सकेँ
न धरामा रहेका जिवित सारालाई सोध्न सकेँ
सिसालाई हिरा सम्झने गल्ती गरेछौ प्रिय
घात गर्नुपर्ने विवशता न प्यारालाई सोध्न सकेँ ।
२
बदलिँनेछ यहाँ मौसम टुसाउनेछ पल्लवी
शिशिर याम घनघोर घटा मुस्कुराउनेछ रवि
प्रतिकूल समय अनुकूल बनाउने प्रयासमा
प्रकृति प्रितमा मोहकताले हराउनेछ कवि।
२
अनायासै आउँछौ जब पल प्रिय लाग्छ
प्रेम पूर्ण बनी दिन्छौ रहर आँफै जाग्छ
जिउने शैली जिन्दगीको सिकिरहन्छु म
जीवनगीत गाईदिन्छौ मन साधिन माग्छ ।
४
एउटा पत्र तिम्रै नाममा पठाएको छु प्रिय
मुटुलाई तिम्रो यादमा खटाएको छु प्रिय
कति रात बिताऊ अब जूनलाई नियालेर
प्रतिक्षामै यो जिन्दगी कटाएको छु प्रिय।
(पर्वत )
