समीर मल्ल
काठमाडौ । देउडामा गाइने झर्रा डोटेली भाषिक शब्दको सम्मिश्रणमा रहेको लोक आधुनिक देउडा गीत ” पिरतीको खेला ” सार्वजनिक भएको छ।
पूर्व नेपाल आइडल रवि ओड र लोक देउडा तथा आधुनिक गायिका पुष्पा बोहराको आवाज रहेको उक्त गीतमा सुदुरपश्चिम समाज, कोरियाको सामाजिक अभियानमा आवद्ध पूर्व अध्यक्षद्वय लाल साउद र जितेन्द्र महताले सो गीतमा शब्द कोरेका छन् ।
चर्चित कोरियोग्राफर विक्रम चौहानको कोरियोग्राफीमा चर्चित मोडेल चक्र बम, नवोदित मोडेल रोजी कुँवर लगायतको अभिनयले गीतमा रहेको प्रेम कहानी जीवन्त बनेको देख्न सकिन्छ। गीतको एरेन्ज सुरेश शाहीले गरेका छन् भने कोरियामा रहेका देउडाप्रेमीहरूको पनि सहकार्य रहेको छ ।
गीतमा नायकले नायिकालाई पारिजातको सुन्दर फूल भनेर आकर्षित गर्न खोजेको छन् भने नायिकाले पनि आफ्नो प्रेमीलाई सयपत्रीको फूल( सुपमा हजारी जातको फूल भनिन्छ) भनेर चित्रित गरिएको छ। कूल चार चार जोडी अन्तरा रहेको गीत शब्दका हिसावले उत्कृष्ट एवं सदावहार रहेको प्रतीत हुन्छ। बिहे गर्ने बेला म कति खुशी हुँला भन्ने अर्थ झल्काउने गीतको कथा सुयोगान्त रहेको छ।
गीतमा प्रयोग भएका शब्द र अर्थ :
पनिऊँकी जुनेली रात = पूर्णिमाको
जुनेली रात
रङ्गी = विनोदप्रिय
सुवा = प्रेमिकालाई बोलाउने शब्द
रूवशकी खात = देख्नमा साह्रै सुन्दरी
केलडीका पात = केराको पात
साई = आफ्नो प्रेमीलाई केटीले
बोलाउने शब्द
हजारी = सयपत्री फूल
गात = मन्दिरभित्रको मूर्ति राखिएको
गोप्य ठाउँ, जहाँ पूजारी मात्रै
जान पाउँछ
कलाउँ = केराउ
मुगामाल = मुगाको माला
डाल = डाली, रूख
चडाई = चरी झैँ उडेर
हिरूलाल = प्रेमिका
बौलो जोवन = युवावस्था
मात = बैस चढेर मात्तिएको
थात = ठाउँ
मुस्काई = मुस्क्राएर
पिरौता = पिरती
घात = अन्तरघात
तोली = तौलेर
खर्क = घाँस काट्दा वा गाई भैँसी
पालेर अस्थायी रूपले बस्न
बनाएको बेसीतिरको टहरो
