काठमान्डू। केहि समय अगाढी गाउँमा कार बनाएर चर्चित भएका झापाका सिभराज लिम्बु अहिले राष्ट्रिय आविष्कार केन्द्रमा छन्। आफ्नो गाउँमा कार बनाएर चर्चमा आएका सिभराजले यतिबेला चलनचल्तीका हाते ट्रयाक्टरको सुधार गर्दै सरल र सस्तो कसरि बनाउन सकिन्छ भनेर लागि परेका छन्।
झापाको बाह्रदशी ६ का स्थायी बासिन्दा सिभराज दुई महिना अगाढी राष्ट्रिय आविष्कार केन्द्रमा आएर एउटा हाते ट्रयाक्टर बनाउने प्रयास गरि रहेका छन् । आविष्कार केन्द्रका संस्थापक महाबिर पुनका अनुसार,ट्रयाक्टरको प्रोटोटाईपमा उनले अहिले मोटरसाइकलको ईञ्जिन राखेर टेस्ट गर्दै छन । अन्य पार्टपुर्जाहरु बजारमा नै किनेका छन् । भविष्यमा कस्तो ईञ्जीन राख्ने भन्ने कुरा पछि नै थाहा हुनेछ ।
यो कुनै आविष्कार होइन तर यसको डिजाईन, यसमा लाग्ने हलो फाली र यसले गर्न सक्ने अन्य कामहरुको ईनोभेसन अथवा नवप्रबर्तन उनले आविष्कार केन्द्रको सल्लाह सुझाबमा नै गर्ने छन् । अहिले गाउँपालिकाहरुले अनुदानमा किसानहरु लाई बाँडेको हाते ट्रयाक्टरमा के के कमि कमजोरीहरु छन् र त्यसलाई कसरी सुधार्ने भन्ने कुरामा दिमाग लगाई रहेका छन् । यो हाते ट्रयाक्टर सके सम्म नै सस्तो र निश्चय नै बलियो हुनेछ । मर्मत सम्भार पनि यहि नै हुने छ । हेर्दै जाउँ, कस्तो बन्छ । यसको प्रगति रिपोर्ट बेला बेलामा दिने छौं, पुनले भने।
