काठमाडौँ। सरकारले शुक्रबार देखि अन्तराष्टिय उडान सात दिनका लागि बन्द गर्ने निर्णय गरेसँगै हिमालय एयरलाइन्सले उक्त अवधिको टिकट शुल्क विनानै मिति परिर्वतन गर्न पाउने सुविधा दिएको छ । कम्पनीले सूचना जारी गर्दे काटिएको टिकटका लागि तीन महिना भित्र एक पटक मिति परिर्वतन गर्न सक्ने सुविधा दिएको जनाएको हो ।
सरकारले शुक्रबार राती १२ बजे देखिनै नियमीत रुपमा हुने अन्तराषि्ट्रय उडानको तालिका बैसाख ३१ गतेसम्मका लागि स्थगित गर्ने निर्णय गरेको छ । नेपालबाट अन्तराष्टिय उडान भर्ने एकमात्र निजी वायुसेवा कम्पनीले हाल अबुदुवी, वेजिङ, चाङगाइ, दमाम, ढाका, दोहा, दुवइ, क्वालालम्पुर, रियादमा उडान भर्दे आएको छ ।
एयरल्यान्सको शुक्रबारको उडान नियमीत हुने जनाएको छ । कम्पनीले सूचना जारी गर्दै शुक्रबार हुने दमाम–काठमाडौं र क्वालालम्पुर– काठमाडौंको उडान नियमीत हुने जनाएको हो । सरकारले आन्तरिक उडान समेत बैसाख २० गते देखि ३० गतेसम्मका लागि उडान स्थगित गरेको छ ।
मन्त्रिपरिषद्को वैशाख १९ मा भएको बैठकले कोरोना रोकथामका लागि आन्तरिक र अन्तरराष्ट्रिय दुबै स्थगन गर्ने निर्णय गरेको थियो । यसअवधिमा चार्टर्ड तथा उद्धार उडान सञ्चालन हुने क्यानले जनाएको छ । आन्तरिक र अन्तरराष्ट्रिय चार्टड तथा उद्धार उडानको हकमा स्वास्थ्य सुरक्षाको मापदण्डको पूर्ण पालना हुनेगरी पर्यटन मन्त्रालयले उडान अनुमति जारी गर्नेछ ।
चार्टड र उद्धार अन्तरराष्ट्रि उडानबाट आउने÷जाने यात्रुहरूको बारकोड र फोटोसहितको पिसिआर रिपोर्ट अनिवार्य गरिएको छ । कोभिड महामारीको जोखिम नियन्त्रणकालागि सरकारले गत वैशाख १६ देखि काठमाडौँ उपत्यकासहित देशका विभिन्न जिल्लामा निषेधाज्ञा लागू गरेको छ ।
