everest kitchen 
एजेन्सी । मेक्सिकोमा आएको भीषण आँधीका कारण त्यहाँ ठुलोमात्रामा धनजनको क्षति भएको छ। आंधीका कारण कम्तिमा पनि आठको मृत्यु भएको छ।
पूर्वी मेक्सिकोमा शनिबार तीव्र गतिको हावा र ठूलो वर्षासहित भिषण आँधी आएको बीबीसीले जनाएको छ। आँधीले भेराक्रुज राज्य सबैभन्दा बढी प्रभावित भएको छ।
आँधीमा ज्यान गुमाउनेमध्ये ६ जना एकै परिवारका भएका स्थानीय सञ्चार माध्यमले जनाएका छन्। वैज्ञानिकहरुले मेक्सिकोमा गएको आँधीलाई ‘ग्रेस’ नामाकरण गरेका छन्। आँधीको कारण कतिपय ठाउँमा विद्युत् आपूर्ति ठप्प भएको छ।
