everest kitchen 
काठमाडौं । सत्तारुढ नेपाली कांग्रेस भित्र सधै विवाद विषय बनिरहने क्रियाशिल सदस्यता सम्बन्धी विषय टुंग्याउन सभापति शेरबहादुर देउवा वरिष्ठ नेता रामचन्द्र पौडेलसँग वार्तामा जुटेका छन् । क्रियाशिल सदस्यता विवाद टुंग्याउने अन्तिम कसरतमा देउवा र पौडेल जुटेका हुन्।
वार्ताका लागि पौडेल देउवा निवास बुढानीलकण्ठ पुगिसकेका छन् । देउवा पनि प्रधानमन्त्री निवास बालुवाटारबाट वार्ताका लागि बुढानीलकण्ठ प्रस्थान गरेका छन् ।
देउवा र पौडलबीचको निर्णायक वार्तापछि आजै क्रियाशिल सदस्यता विवाद सम्बन्धी उच्चस्तरीय छानविन समितिको प्रतिवेदनलाई टुंग्याइने भएको एक नेताले बताए।
वार्तामा छानविन समितिका संयोजक कृष्ण सिटौलाले देउवा र पौडेललाई आजसम्म भएको कामबारे ‘ब्रिफिङ’ गर्ने छन् ।
