हाललाई मलेसिया जान यी व्यक्तिहरुले मात्रै पाउछन्

everest kitchen

काठमाडौँ । कोरोना भाइरस महामारीका कारण लामो समयदेखि बन्द रहेको मलेसियाको रोजगारीमा नेपाली श्रमिक जान पाउने भएका छन् । मलेसियामा श्रमिकको अभाव भएपछि केही सङ्ख्यामा विदेशी श्रमिक लिने नीतिअनुरुप नेपाली श्रमिक रोजगारीका लागि मलेसिया जान पाउने भएका हुन् ।

नेपालस्थित मलेसियाको दूतावासले विज्ञप्ति जारी गर्दै कोरोना महामारीका कारण लगाइएको प्रतिबन्ध हटाउँदै नेपाली श्रमिकले लिने निर्णय तत्काल देखि लागू हुने प्रस्ट पारेको छ ।

लामो समयदेखि कोरोनाका कारण विदेशी श्रमिकको यात्रामा प्रतिबन्ध लगाएको मलेसियाले श्रमिकको अभाव भएको भन्दै केही सङ्ख्यामा विदेशी श्रमिक लिने नीति लिएपछि नेपाली श्रमिक पनि रोजगारीका लागि मलेसिया जान बाटो खुलेको हो । कोरोना सङ्क्रमण फैलिन नदिन मलेसिया प्रवेशका लागि विभिन्न प्रावधान भने लागू हुनेछ ।

मलेसिया जाने श्रमिकले पहिले नै त्यहाँको अध्यागमनबाट अनुमति लिनुपर्छ । मलेसिया जाने श्रमिकसँग मलेसियाको वैधानिक भिसा, विश्व स्वास्थ्य सङ्गठनले मान्यता दिएको खोपको दुवै मात्रा लगाएको हुनुपर्नेछ । यस्तै कोरोना परीक्षणको पीसीआर रिपोर्ट नेगेटिभ हुनुपर्छ । मलेसिया पुगेपछि पनि त्यहाँको स्वास्थ्यका मापदण्ड पालना गर्दै क्वारेन्टाइनमा बस्न पर्नेछ ।

यद्यपि हाल खुला गरिएको प्रतिबन्धमा नयाँ श्रमिक लिने बारे भने केही स्पष्ट पारिएको छैन । तर हाल मलेसिया प्रवेश पाउनेहरुमा: मलेसियन सरकारबाट भिषा प्राप्त गरेरका तर मलेसिया फर्किन नपाएका भिषा अबधि बाँकी रहेका श्रमिकहरु, मलेसियामा स्थायी रुपमा बसोबास गर्ने, दीर्घकालीन भिषा तथा पास भएकाहरु, व्यापारी यात्रीहरु र लगानीकर्ताहरुको लागि मात्रै यो सुबिधा दिएको उल्लेख गरिए छ ।

मलेसिया सरकारले प्रवेश प्रतिबन्ध फुकुवा गरेसंगै धेरैले मलेसियामा नयाँ रोजगारीको लागि जान पाउने बताएपनि हाललाई भने त्यो सम्भव नभएको जानकारहरु बताउँछन् । यद्यपि लामो समयको भिषा वा पास अवधि भएकोले पनि मलेसिया जान पाउने भएपछि मलेसिया रोजगारबाट छुट्टीमा घर आएका र भिषा अबधि बाँकी रहेकाले पनि मलेसिया प्रवेश पाउनेछन् ।