everest kitchen 
काठमाडौं। रुपन्देहीमा ट्रकको ठक्करबाट आमाछोराको मृत्यु भएको छ । सैनामैना नगरपालिका-५ स्थित पूर्व–पश्चिम राजमार्ग खण्डमा मंगलबार बिहान पश्चिमबाट पूर्वतर्फ जाँदै गरेको ना८ख ४४११ नम्बरको ट्रकले पैदल यात्रा गरिरहेका आमाछोरालाई ठक्कर दिएको प्रहरीले जनाएको छ ।
प्रहरीका अनुसार मृत्यु हुनेमा अन्दाजी ४० वर्षीया राधा भट्टराई र उनका छोरा अन्दाजी १९ वर्षीय महेश भट्टराई रहेको इलाका प्रहरी कार्यालय सालझण्डीका प्रहरी निरीक्षक दिवाकर रिजालले जानकारी दिए ।
ट्रकको ठक्करबाट गम्भीर घाइते भएका उनीहरूकाे लुम्बिनी प्रादेशिक अस्पताल बुटवल लैजाँदै गर्दा मृत्यु भएको प्रहरीले जनाएको छ ।
मर्निङवाकमा निस्किएका आमाछोरालाई बिहान करिब ५ बजेको समयमा ट्रकले ठक्कर दिएको प्रहरीले जनाएको छ । चालक र ट्रकलाई प्रहरीले नियन्त्रणमा लिएको छ ।
