everest kitchen 
एजेव्न्सी । भारतले चीनमाथि लाइन अफ एक्चुअल कन्ट्रोल (एलएसी) मा सैनिकको सङ्ख्या बढाइरहेको आरोप लगाएको छ । भारतीय विदेश मन्त्रालयका प्रवक्ता अरिन्दम बागचीले बिहीबार चीनले सीमा क्षेत्रमा हतियारको तैनाथी पनि बढाएको आरोप लगाएका हुन् ।
भारतले चीनको पछिल्लो गतिविधिमाथि नजर राखिरहेको बाताएको छ। पत्रकार सम्मेलनका दौरान बागचीले भने, ‘चीनले उक्साउने हर्कत गर्दै एलएसीमा बदलावको प्रयास गरिरहेको छ । तर, भारतलाई आफ्नो सीमाको रक्षा गर्न आउँछ । हामी हाम्रो हकहितको सुरक्षाका लागि तयार छौँ ।
बुधबार चीनको विदेश मन्त्रालयका प्रवक्ता हुआ चुनियाङले भारतीय सेनामाथि गैरकानुनी ढङ्गले चीनको जमिनमा कब्जा जमाइरहेको आरोप लगाएकी थिइन् । भारतीय विदेश मन्त्रालयले भने चीनको दाबी र आरोपलाई खण्डन गर्दै उल्टै चीनले सीमामा सैन्य तैनाथी बढाइरहेको आरोप लगाएको छ ।
