everest kitchen 
काठमाडौंँ । कञ्चनपुरको महेन्द्रनगरदेखि बैतडीको पुर्चौँडीका लागि सवार बस डडेलधुराको खसरेकोखानमा गएराति दुर्घटनामा परेको छ ।
दुर्घटनामा ४ जनाको घटनास्थलमै मृत्यु भएको प्रहरीले जनाएको छ ।
पवनदुत यातायात प्रा.लि.को ना ८ ख १०७८ नम्बरको बस सडकबाट करिब २५० मिटर तल खसेर दुर्घटना भएको हो ।
दुर्घटनामा परी अरु १२ जना घाइते भएको प्रारम्भिक अनुमान प्रहरीको छ।
घाइतेहरूको डडेलधुरा अस्पतालमा उपचार भइरहेको डडेलधुरा प्रहरीले जनाएको छ ।
मृतकहरूको सनाखत हुन बाँकी रहेको छ ।
दुर्घटना सम्बन्धि विस्तृत विवरण आउन बाँकी छ ।
