everest kitchen 
कञ्चनपुर, २१ चैत । कञ्चनपुरमा एक बयस्क भाले हात्ति मृत अवस्थामा भेटिएको छ ।
दोधारा चाँदनी नगरपालिका–३ बडुवाल टोलमा आज वयस्क भाले जङ्गली हात्ती मृतावस्थामा भेटिएको हो ।
हात्ती मृत फेला परेको घटनास्थलमा पशु चिकित्सक सहितको शुक्लाफाँटा राष्ट्रिय निकुञ्जकोे टोली पुगेर जाँच र अनुसन्धानको कार्य गरेका थिए । बिहान हात्ती मृतावस्थामा फेला परेपछि स्थानीय बासिन्दाले खबर गरे पछि निकुञ्जको टोली मृत हात्ति रहेकाे घटनास्थल पुगेको थियो ।
हात्तीको मृत्युको कारण भने खुल्न नसके पनि सो हात्तीको उमेर ८ देखि १० वर्षको रहेको मानिएको छ ।
दुई महिनाअघि पनि लालझाडी गाउँपाालिकामा हात्ती मृतावस्थामा फेला परेको थियो ।
