everest kitchen 
१२ पुस, पोखरा । बिराटनगर टाइटन्सलाई ३२ रनले हराएर पहिलो पटक पोखरा प्रिमियर लिग जितेको चितवन राइनोजका खेलाडीहरुले खुसी मनाउन समेत पाएका थिएनन्, एक युवा दौडिँदै क्रिकेट मैदानमा प्रवेश गरे ।
अनपेक्षित रुपमा समर्थक मैदानमा प्रवेश गरेपछि स्वयंसेवकले रोक्न सकेनन् । क्रिकेट समर्थक क्रिजमा पुग्नै लाग्दा लडे । उठेर चितवन राइनोजका क्याप्टेन पारस खड्कालाई अंगालो हाले । के गरौं कसो गरौं मनस्थितिमा देखिएका जब पारसले पनि अंगालोे हाल्न खोज्दै थिए, ती युवा झुके र खड्काको खुट्टा समाउन पुगे । कप्तान खड्काले उनलाई उठाए र फेरि अंगालोमा बेरे ।
