everest kitchen 
काठमाडौं । रुपन्देहीको बेलहिया नाकाबाट शुक्रबार राति मात्रै बाह्र सय जना नेपाली स्वदेश फर्किएका छन् ।
भारतको नौतनवाका विभिन्न क्वारेन्टाइनमा १४ दिन बसाई पूरा गरेर नाकामा आइपुगेका विभिन्न जिल्लाका नेपालीहरु नाकामा बिहिवार रातभरि स्वदेश फर्कन पाउनुपर्ने मागसहित नाराबाजी गरेका थिए ।
जसमध्ये चार सय ३० जना रुपन्देहीकै पालिकाका क्वारेन्टाइनमा बसेका छन्, । बाँकी सबै नवलपरासी, पाल्पा, गुल्मी, अर्घाखाँची, कपिलवस्तु, सर्लाही, झापा, धादिङ लगायत जिल्लाका नागरिकहरुलाई स्थानीय तहले जिम्मा लिएर गएकाे रुपन्देही प्रमुख एसपी हेमकुमार थापाले बताए ।
उनका अनुसार भारतले रेल सञ्चालन गरेपछि दैनिक करिब ८/९ सय नेपालीहरु सिमानामा आउने गरेका छन ।
