क्वालालम्पुर । गैरआवासीय नेपाली संघ एनआरएन मलेसियाले नेपाली राजदूतावास मलेसियालाई समसामयिक श्रमिक समस्या बारे ध्यानाकर्षण पत्र बुझाएको छ ।
संघका अध्यक्ष हरि भट्टराई द्धारा हस्ताक्षरित उक्त ध्यानाकर्षण पत्र मार्फत मलेसियामा बिरामी परेका तथा शारीरिक अंगभग भएका तर उपचार गर्ने पैसा नभएका बिरामीहरुलाई नि:शुल्क घर पठाउनु पर्ने, जेलमा रहेका नेपालीहरुलाई घर पठाउन छिटो पहल गर्न लगायत बिभिन्न आठ बुद्धामा ध्यानाकर्षण गराएको छ ।
मलेसियाका लागि नेपाली राजदूत उदयराज पाण्डेले संघको उक्त ध्यानाकर्षण पत्र बुझ्दै यी बिषयमा पहल कदमी गरिरहेको अझ यसलाई अझ सशक्त तरिकाले अगाडि बढाउने आश्वस्त पारेको संघका पदाधिकारीले जानकारी दिए ।
एनआरएन मलेसियाले दुतावासलाई गराएको ध्यानाकर्षणका आठ बुद्धा यस्ता छन् :
१ , मलेसियामा कामको शिलसिला आएका हाल बिरामी परेका तथा शारीरिक अंगभग भएका तर उपचार गर्ने पैसा नभएका बिरामीहरु र मलेसियाका विभिन्न अस्पातलमा रहिआएका दर्जनौं बिमारी पीडितहरुलाई छिटो भन्दा छिटो उद्धार गरी बिना शुल्क नेपाल पठाउन अनुरोध गर्दछौं ।
२ , मलेसियाको विभिन्न ठाउका जेलहरुमा रहेका नेपालीहरुलाई जति सक्दो छिट्टै नेपाल पठाउन पहल गर्न अनुरोध गर्दछौ ।
३ , कोरोनाको समय अगावै कम्पनीद्वारा प्रदान गरिएका र श्रमिकहरुले आफै खरिद गरेका बिभिन्न एयरलाइनको टिकट भएका तर आजसम्म नेपाल जान नसकेका श्रमिकहरुलाई नेपाल फर्काउन विषेश पहल कदम चालियोस् ।
४ , सम्मानित सर्वोच्च अदालतले विदेशमा अलपत्र परेका श्रमिकहरुलाई श्रमिक कोषमा रहेको रकमबाट सहयोग गरि निशुल्क उद्धार गरियोस भन्ने आदेशलाई तत्काल लागु गरियोस् ।
५ , विभिन्न कारणले मलेसियामा मृत्यु भएका शवहरुलाई तत्काल नेपाल पठाउन पहल गर्न अनुरोध गर्दछौं ।
६ , अवैधानिक ( अनडकुमेण्ट ) भएका कामदारहरुलाई नेपाल पठाउन मलेसिया सरकारसंग विषेश पहल गर्न दुतावासमा अनुरोध गर्दछौं ।
७ , हालको अवस्थामा नेपाल उडान गर्दै आएका सम्पुर्ण एयरलाइनसहरुको अझै महंगो भाडादर भएको हुदा घटाउन पहल गरियोस् ।
८ , मलेसियाबाट छुट्टीमा नेपाल गएका हजारौं नेपाली कामदारलाई मलेसिया फकाउन पहल कदम चालियोस् ।
एनआरएन लगायत मलेसिया स्थित बिभन्न संघ, संस्थाले यसअघि पनि दुतावासलाई चार्टर उडानको हवाई भाडादर महङ्गो भएको भन्दै ध्यानाकर्षण गराएका थिए ।
