काठमाडौँ । चितवन माडीको कुसुम खोलाका चेपाङ बस्तीलाई नहटाउन सर्बोच्च अदालतले आदेश दिएको छ । उक्त बस्तीमा आगजनी गरी बस्ती हटाउने सरकारको निर्णय तत्काल रोक्न सर्वोच्चले आदेश दिएको हो ।
एक सात अघि निकुञ्जका कर्मचारीले हात्ती लगाएर घर भत्काउने तथा आगो लगाउने काम गरेको घटना बाहिरिएपछि विवाद उत्पन्न भएको थियो । उक्त घटना अमानवीय भएको भन्दै चेपाङ समुदायको हितमा अधिवक्ता राजुप्रसाद चापागाइँसहित १४ जनाले सर्बोच्चमा रिट दायर गरेका थिए ।
उक्त रिटमा सर्वोच्च अदालतका न्यायाधीश टंकबहादुर मोक्तानको एकल इजलाशले मुद्दालाई छिट्टो टुंगोमा पुर्याउन अग्रधिकार दिँदै चेपाङ बस्तीको बसोबास, सम्पत्तिको हक लगायत मौलिक हकको विषय भएकाले उक्त निर्णय यथास्तितिमै राख्न र बस्ती नहटाउन आदेश दिएको हो ।
साथै सर्वोच्चले सरकारसँग उक्त आगजनी लगायत हटाउने निर्णयको १५ दिनभित्र लिखित कारण समेतमाग गरेको छ ।
